Kokpit.az bildirir ki, Avstriya təmsilçisi Mayami, İmola və Barselona yarışlarına mərhələli şəkildə altlıq, saydpod və ön qanad yenilikləri gətirib. “Qırmızı öküzlər” bu həftəsonu öz vətənlərində – Red Bull Rinq trasında yeni paketlə çıxış edəcəklər.
Helmut Marko: “İndi Avstriya üçün yenilik gətiririk, sonra isə Silverstoun üçün bir az daha işləyəcəyik. Amma bu da işə yaramasa, onda çempionat həqiqətən çətin olacaq – sanki indiyə qədər kifayət qədər çətin deyilmiş kimi…”
Marko eyni zamanda Silverstoun yarışından sonra komandanın diqqətini tamamilə 2026-cı il üçün yeni texniki texniki reqlamentə yönəldəcəyinə işarə edib: “Aerodinamik boru və bütün simulyator vasitələrinin necə istifadə olunacağı ilə bağlı dəqiq bölgü var. Amma elə bir nöqtə gələcək ki, daha çox inkişaf edə bilməyəcəyik.”
“Bunun iki səbəbi var: vaxt və yeni detalların istehsalının vaxt aparması; üstəlik büdcə limiti. Düşünürəm ki, ən gec Silverstoun və ya Spadan sonra tamamilə yeni bolidə fokuslanacağıq”.
Marko sonda əlavə edib ki, Red Bull Ring Maks Verstappen üçün çox əlverişli trasdır: “Maks burada beş dəfə qalib gəlib, bu trek ona çox uyğundur. Ciddə, Suzuka, həmçinin İmola və Monrealda işlər yaxşı getdi. Amma dediyim kimi, işləmə pəncərəsi çox dardır”.
Şərh əlavə et