Kokpit.az xatırladır ki, italyan sürücü İspaniya yarışının son dövrələrində motor probleminə görə mübarizəni dayandırıb və ardıcıl üçüncü yarışdan xalsız ayrılıb.
Kimi Antonelli: “Medium təkərlə tempim yaxşı idi. Xüsusən də yarışın sonlarında çox stabil idim. Ancaq strategiya məni məyus etdi. Yarışı belə bitirmək çox pis oldu. Çox çətin 3 yarış keçirdim, amma Kanadada yenə güclü formada qayıtmağa çalışacağıq”.
İtalyan sürücü motor probleminin gözlənilməz anda gəldiyini deyib: “Tamamilə anidən oldu. Gələcəyini heç bir formada hiss etmədim”.
Kimi Antonelli düşünür ki, Kanada yarışında təkərə nəzarət hər şeyi həll edəcək. O, C6 tərkiblər barədə bunları deyib: “İmola və Monakoda gördüyüm qədərilə bu təkərlər çox həssasdırlar. İşləmə aralığı çox dardır. Biz isə o aralıqdan kənardayıq və ilişmə məsələsini həll edə bilmirik. Buna görə də xüsusən sıralanma turunda o təkəri necə istifadə edəcəyimizi çox yaxşı anlamalıyıq”.
Debütant pilot Barselonadakı sıralanma turunda sadəcə tək dəst təkərlə trasa çıxıb. O, bu barədə belə danışıb: “Daha yaxşı yerlərdə bitirmək üçün potensialım var idi. Amma hər şeyi bir araya gətirə bilmədim. Yenə də tempimi tapmağım gözəl idi”.
Sonda Kimi Antonelli yeniliklərin təsirindən də danışıb: “Maşın yaxşı hiss etdirdi. Xüsusən də arxa asılqanla bağlı yaxşı məlumatlar topladıq. Ümid edirəm ki, bunların faydasını görərik”.
Şərh əlavə et