Kokpit.az bildirir ki, bununla da F4 Britaniya kateqoriyası ilk dəfə Silverstoun trasında Formula 1 həftəsonunda təşkil ediləcək.
Britaniya Qran Prisi 4-6 iyulda təşkil ediləcək və İngiltərə F4 yarışları üçün iki yarış olacaq. Bu yarışların hər biri 25 dəqiqə+1 dövrə davam edəcək. Seriyada normal vaxt 20 dəqiqə olsa da, burada yarışın məsafəsi bir az da artırılacaq. Yarışlar sadəcə 2024-cü il mövsümündə Britaniya F4-də qeydiyyatdan keçmiş komandalara açıq olacaq.
Britaniya F4 Çempionatının idarəçisi Eve Leyk-Qrənc bildirib ki, bu fürsət onların seriyaları üçün tarixi bir andır: “FİA-nım dəstəklədiyi Britaniya F4 Çempionatı ailəsi üçün bu əsl dönüş nöqtəsidir. Uzun müddət idi ki, Formula 1-in dəstək proqramında olmaq üçün əlimizdən gələni edirdik. Bu xəyalı reallaşdırdığımız üçün çox sevincliyik.
Biz Formula 1-ə gedən yolun ilk pilləsi olduğumuz üçün qürur duyuruq. Sürücülərimiz eyni həftəsonunda həm yarışacaqlar, həm də gələcəkdəki karyeralarını ən yaxşı formada görəcəklər. Bu ilhamverici və xüsusi olacaq.
Formula 1-dən böyük səhnə yoxdur. İyul ayında Silverstounda 100 minlərlə azarkeşin önündə yarışmaq fikri hamımızı həyəcanlandırır”.
Şərh əlavə et