Y.Tsunoda: Hazıram

Kokpit.az xatırladır ki, bu il Red Bull-a keçən Liam Louson ilk iki yarışda ümidləri doğrultmayıb və xalsız qalıb. Buna görə də Yaponiya Qran Prisindən əvvəl onun Yuki Tsunoda ilə əvəzlənəcəyi iddiaları artıb.

Daha əvvəl Red Bull-da yarışmağa hazır olduğunu’bildirən Yuki Tsunoda isə yenidən bu sözünü təkrarlayıb.

Yuki Tsunoda: “Mən RB21-i sürməmişəm. Buna görə də Liamın niyə çətinlik çəkdiyini bilmirəm. Abu-Dabidəki təkər testində Maksla eyni vaxtda trasa çıxmamışdım. Buna görə də aramızda olan temp fərqini bilmirəm. Amma bir sürücü həmişə fərqli sürüş tərzinə uyğunlaşmalıdır. Mən hazırda yaxşı formadayam”.

Yaponiyalı sürücü hazırda Racing Bulls komandasında çıxış edir və ev yarışı olan Suzukada yarışmağa hazırlaşır. Keçən il Yaponiya Qran Prisində ilk dəfə xal qazanan Tsunoda bu uğurunu yenə təkrarlamaq istəyir: “Suzuka trasının xüsusiyyətləri fərqlidir. Bu tip bolidlərlə nə baş verəcəyini heç vaxt bilmirsiniz. Amma mən hələ də həyəcanlıyam. Ümumi tempimiz yaxşı görünür. Buna görə də yaxşı hazırlaşmalıyıq və ümid edirik ki, xal qazanacağıq”.

Rauf Hacıyev

Şərh əlavə et

Cavabı ləğv et

Tsunodadan uğursuz rekord

A.Hacar: Trası görmək olmurdu

L.Louson: Düzgün qərar verdik

Əlaqə