Kokpit.az xatırladır ki, fransalı sürücü Avstraliya yarışının qızdırma dövrəsində səhv edərək divara çırpılıb. O boliddən düşdükdən sonra ağlamağa başlayıb.
Lakin bu hal Red Bull şirkətinin idman məsləhətçisi Helmut Markonun heç xoşuna gəlməyib: “Göz yaşları ilə göstərdiyi şou bir az utanc verici idi”.
Gənc Ayzek Həcərə dəstək verənlərdən biri Lyuis Həmiltonun atası Antoni Həmilton olub. O, ağlayan sürücünü qucaqlayaraq, ona ürək-dirək verib. Fransalı sürücü Antoninin verdiyi dəstək barədə belə danışıb: “O an mənə bir ata kimi davrandı. Mənə dedi ki, başını dik tut. Sıralanma turunda əla iş gördün”.
Sonda gənc sürücü Çin Qran Prisi barədə də fikirlərini bildirib: “Çox utanıram. Mövsümün əvvəlində belə səhvə yol vermək məni məyus etdi.
Tempimiz var. Buna görə də trasa çıxmaq üçün səbirsizlənirəm”.
Racing Bulls-un rəhbəri Piter Bayer isə sürücüsü müdafiə edib: “Belə hava şəraitində hamı səhv edə bilər. Kiçik bir səhv belə bəs edir”.
Şərh əlavə et