Xəbəri Kokpitdə Oxuyun!

Argentina GP: Sprintdə Markeslərdən dubl gəlib

MotoGP üzrə Argentina Qran Prisinin Sprint yarışında Mark Markes səhv etməyərək, qələbə qazanıb.

Kokpit.az xatırladır ki, ispaniyalı sürücü yarışa pouldan başlayıb. O, startdan etibarən güclü performans göstərərək, sprint yarışında qalib gəlib. Qardaşı Aleks Markes isə ikinci yeri tutub. Podiumun son pilləsinə Françesko Banyaya çıxıb.

Markes qardaşları yarışa yaxşı başlayıblar və qısa müddət ərzində Banyaya ilə fərqi açıblar. Aleks Markes yarış ərzində Markı yaxından izləsə də, onu keçə bilməyib. Yarışın ortalarında Mark tempi artıraraq, Alekslə fərqi 0.371 saniyəyə qədər qaldırıb.

Dördüncü yer uğrunda mübarizədə isə Pedro Akosta ilə Zarko arasında uzun müddət duel olub. Sonda fransalı sürücü bu dueldən qalib ayrılıb. Akosta isə səkkizinci yerə qədər geriləyib. Bezzekki beşinci yerə yüksəlib. Fabio Kuartararo isə onuncu olub.

Rauf Hacıyev

Şərh əlavə et