Mövsümün ən həyəcanlı şəhər yarışlarından biri – Formula 1 Qatar Airways Azərbaycan Qran Prisi 2025 üçün bilet satışına başlanıb. Biletləri www.bakucitycircuit.com rəsmi vebsəhifəsindən əldə edə bilərsiniz. Həmçinin, “Baku City Circuit” mobil tətbiqi üzərindən 20 faiz güzəştlə biletlər əldə etmək mümkündür. Bu fürsət yalnız fevralın 5-dək davam edəcək.
Bakı Şəhər Halqası Əməliyyat Şirkəti azarkeşlərə 4 günlük biletlər təqdim edir. Hər il olduğu kimi, 3 günlük tribuna biletləri ilə yanaşı, bilet sahibləri pit zolağı gəzintisi imkanı əldə edərək, sevimli F1 komandalarını, pilotları və onların qarajlarını yaxından izləmək təcrübəsi qazanırlar. Qeyd edək ki, ötən il pit zolağı gəzintisində iştirakçı sayı rekord həddə çatıb. Yarış həftəsi ərzində keçiriləcək əyləncə proqramları ilə bağlı məlumatlar mütəmadi olaraq azarkeşlərə təqdim olunacaq.
Ötənilki Bakı yarışı həftəsonunda azarkeşlərin sayı son 8 ildə ən yüksək səviyyəyə çataraq, 76 min nəfərə yüksəlib! Siz də builki həyəcanı birbaşa Bakı Şəhər Halqasında yaşamaq istəyirsinizsə, vaxt itirməyin! Biletlərinizi əldə edib yerlərinizi indidən tutun – Formula 1-in sürət dolu anlarına qoşulun!
75 illik yubileyini qeyd edən Formula 1 Çempionatı bu il möhtəşəmliyi ilə xüsusilə yaddaşlarda qalacaq. Yüksək maraqla gözlənilən Formula 1 Qatar Airways Azərbaycan Qran Prisi2025 bu il də dünya avtoidmanının diqqətini paytaxtımıza yönəldəcək.
Şərh əlavə et