Kokpit.az xatırladır ki, Vitli keçən il Red Bull-dan ayrılaraq, Sauber komandasına keçmək qərarı almışdı. Ancaq onun Red Bull-la iyula qədər müqaviləsi olduğu üçün vəzifəyə başlayacağı vaxt qeyri-müəyyən idi.
Bəzi iddialara görə Vitlinin Sauber-ə keçidi daha tez baş verə bilər və aprelin 1-dən etibarən onun yeni komandasında debüt etmə ehtimalı var. Bu tarix dəqiqləşsə, Vitli aprelin 6-dan etibarən Yaponiya Qran Prisində yeni iş yerinə keçə biləcək.
Qeyd edək ki, Sauber bu il idarəetmədə dəyişiklik edir. Çərşənbə günü verilən açıqlamada komandanın təmsilçisi Alessandro Alunni Bravi ilə yolların ayırılacağı deyilmişdi.
O, Sauber komandasına 2017-ci ildə məsləhətçi və idarə heyətinin üzvü kimi qatılmış və 2022-ci ildə müdir vəzifəsinə yüksəlmişdi.
Komandanın sabiq rəhbəri Frederik Vassyör Ferrari-yə keçdikdən sonra Bravi komanda təmsilçisi vəzifəsinə keçmişdi.
Vitlinin komansa rəhbərliyinə gəlməsi ilə Bravinin nə edəcəyi müəmmalı idi. Amma italyan mütəxəssis yeni bir işə başlamaq qərarına gəlib. Vitli gələnə qədər komanda rəhbərliyi vəzifəsini Mattia Binotto icra edəcək.
Şərh əlavə et