Formula Racer-in xəbərinə görə, 2024-cü ilin son günlərinə yaxınlaşdıqca Ferrari Karlos Sayns üçün unudulmaz bir vida tədbiri planlaşdırır.
İtaliya komandası dörd mövsümdür komandanın sürücüsü olan və mövsümün sonunda ayrılacaq ispan pilotu şərəfləndirmək üçün xüsusi tədbir keçirəcək. Ferrari-nin tarixi Fyorano test trasında keçiriləcək bu tədbirdə Carlos Sainz Jr. və atası, əfsanəvi ralli sürücüsü Carlos Sainz Sr. birlikdə trasa çıxacaqlar.
Ata və oğul Ferrari F1-75 ilə trasda dövrələr vuraraq, bu xüsusi anları birlikdə yaşayacaqlar. Bu hadisə Karlos Saynsın Ferrari-dəki peşəkarlığını və komandaya verdiyi töhfəni vurğulasa da, eyni zamanda emosional vida mərasimi olacaq. Bu xüsusi vida mərasimi Maranelloda işçilərlə keçiriləcək tədbirlə tamamlanacaq.
Digər tərəfdən, Ferrari 2025-ci il mövsümündə Lyuis Həmiltonu heyətinə qatmaqla çempionluq uğrunda mübarizə aparmağa hazırlaşır. Scuderia Ferrarinin texniki komandası yeni mövsümdə Şarl Lekler və Həmilton dueti ilə uğur qazanmaq üçün gərgin iş dövrü keçirəcək.
Şərh əlavə et