Kokpit.az xatırladır ki, niuderlandlı sürücü Qətər yarışında möhtəşəm performans göstərərək, günü qələbə ilə başa vurub.
Maks Ferstappen: “Çox yaxşı yarış idi. Dünənki sıralanma turunda bolidimiz doğrudan da çox yaxşı idi. Bu gün də yarışın əvvəlində çox güclü idik. Lando vvə mən 1.8 saniyənin içində idik. Davaml bir-birimizlə mübarizə apardıq. Bu doğrudan da əyləncəli idi. Bu trasda inanılmaz asfaltla ilişmə var və builki təkərlər doğrudan da yaxşı performans göstərirlər. Onların hesabına limitlərdə sürə bilirik və bundan həzz alırıq.
Bu gün pitə gec getdik. Daha sonra təhlükəsizlik maşını rejimində diqqətli olmalı idik. Bu bir az işləri qarışdırsa da, ümumilikdə sevincliyəm. Uzun müddət idi ki, quru havada belə güclü olmurduq. Komandadakı hər kəslə qürur duyuram. Bir gündə hər şeyi tərsinə çevirdik və belə gözəl nəticə qazandıq. Bu qələbəyə layiq idilər. Burada qazandığımız üçün çox sevincliyəm.
Əbu Dabi barədə bir söz demək çətindir. Son illərdə orada güclü olmuşuq. Ümid edirəm ki, eyni formada güclü performans göstərərik. Amma hər şeyi yaxşı etmək üçün xırdalıqlara fikir verməliyik. Bunu bacarsaq, yenidən qələbə uğrunda mübarizə apara bilərik”.
Şərh əlavə et