Kokpit.az xatırladır ki, Red Bull-un ikinci komandasının adı əvvəlki illərdə Toro Rosso və AlphaTauri olmuşdu. İtalyan təmsilçisi 2024-cü ildə RB adı ilə çıxış etməyə başlayıb.
Loren Mekis: “Komandamızın adı yenə də Visa CashApp Racing Bulls olacaq. Lakin qısası RB yox, Racing Bulls adlanacaq”.
Loren Mekis komandanın 2025-ci il heyəti və Liam Lousonun gələcəyi barədə də danışıb: “Komanda xaricində çoxlu dedi-qodular var. Ancaq bizim üçün əsas olan sürücülərimizin lazımi qədər inkişaf etdirmək və Red Bull komandası üçün hazır hala gətirməkdir. Buna görə də başqa komanda ilə adlarının hallanması bizim üçün yaxşı haldır”.
Fransalı rəhbər sonda Franko Kolapintonun transferi ehtimalından danışıb: “Franko ilə əksər komandaların maraqlanması normaldır. Biz gənc sürücüləri təkmilləşdirən komandayıq və bu bizim kökləndiyimiz işdir. Sürücülərimizin böyük komandalara keçmə şansları varsa, bu komandamız üçün yaxşı xəbərdir”.
Şərh əlavə et