Kokpit.az xatırladır ki, niderlandlı sürücü Qətərdəki sprint yarışına 6-cı yerdən başlasa da, startda 3 yer itirib və 9-cu yerə yuvarlanıb. Dördqat Dünya Çempionu 19 dövrəlik yarışda sadəcə Pyer Qaslini keçə bilib və 8-ci yeri tutaraq, 1 xala razı olub.
Maks Ferstappen: “Asfaltla ilişmə yox idi. Bolidin balansı çox pis idi. Soyuq təkərlərlə vəziyyət daha da pisləşir. Özümü ralli maşını sürürmüşəm kimi hiss etdim. Məncə, Spa-da atamla bir yerdə rallidə yarışsaydım, daha güclü olardıq. Doğrudan da bərbad idi və sürmək olmurdu.
Sıralanma turunda çox şeyi dəyişdirə bilərik, amma problemi həll edə bilmərik. Bilmirəm. Bəzi şeyləri dəyişdirəcəyik, amma möcüzə gözləmirəm”.
Şərh əlavə et