Kokpit.az xatırladır ki, niderlandlı sürücü keçən həftəsonu Las Veqasda karyerasının dördüncü çempionluğunu elan edib. Lakin o yarışdan sonra bildirmişdi ki, Mayami Qran Prisindən bəri stabil çıxış edən McLaren ilə çempionluğu daha erkən elan edərdi: “McLaren ilə yarışsaydım, çempionluğu daha tez əldə edə bilərdim. Ferrari-də yarışsaydım da, demək olar ki, vəziyyət eyni olardı. Ancaq Mercedes ilə daha çox çətinlik çəkərdim”.
Qətər Qran Prisinin mətbuat konfransında Şarl Leklerdən Maks Ferstappenin bu fikirlərini soruşublar: “Ferstappen xüsusi sürücüdür. Onu xüsusi edən şeylərdən biri də onun özünə olan inamıdır. Ancaq bolidin real gücünü bilmədən belə danışmaq elə də məntiqli deyil.
Ferstappen şübhəsiz ki, inanılmaz sürücüdür. Ancaq Red Bull ilə qazandıqlarını McLaren ya da Ferrari ilə qazana biləcəyini o da proqnozlaşdıra bilməz. Buna görə də onun fikirləri şişirdilmişdir”.
Şərh əlavə et