Kokpit.az xatırladır ki, meksikalı sürücü Braziliya yarışında 11-ci yeri tutaraq, xalsız qalmışdı.
İndi isə növbədə Las Veqas yarışı var. Çeko keçən il Veqasın küçələrində üçüncü yeri tutaraq podiuma yüksəlmişdi.
Serxio Peres: “Komandanı Las Veqasda vacib həftəsonu gözləyir. 2023-cü ildə əlimizdə trasla bağlı demək olar ki, məlumat yox idi. Amma bu il daha çox məlumatla və anlayışla oraya gedirik.
Həm trasdakı, həm də televiziyadan izləyən azarkeşləri möhtəşəm yarış gözləyir. Mən də əlimdən gələnin ən yaxşısını edib, boliddən ən yaxşı formada faydalanmaq istəyirəm.
Komanda ilə birlikdə çox işləyirəm və daha yaxşısını istəyirəm. Braziliyadakı yarışa baxsaq, orada göründüyümüzdən daha güclü idik.
Son 3 yarışda rəqabətədavamlı olacağıq. Braziliyada çox güclü idik, amma bəzi səbəblərə görə bunu göstərə bilmədik. Amma əminəm ki, son 3 yarışda güclü olacağıq. Bunu bacarsaq, mövsümü çox yaxşı formada qapadacağıq”.
Şərh əlavə et