Kokpit.az xatırladır ki, ispaniyalı sürücü karyerası ərzində iki dəfə – 2005 və 2006-cı illərdə Dünya Çempionu olub və Formula 1-in ən yaxşılarından sayılır.
Tarso Markes: “Bütün braziliyalılar kimi mən də Ayrton Senna fanatıyam. Sennadan başqa Mixael Şumaxer, Lyuis Həmilton və indi də Maks Ferstappen kimi əfsanələr var.
Fərqli dövrlərin pilotlarını müqayisə etmək çətindir, amma məncə, Fernando Alonso da onlar qədər yaxşıdır, hətta daha yaxşıdır.
Əgər komandam üçün sürücü seçməli olsam, qətiliklə Alonsonu seçərdim. Məncə, rəqib olduqları dövrlərdə Mixael Şumaxerdən daha yaxşı idi və braziliyalılar mənə əsəbiləşsələr də, Sennadan da güclü olduğunu deyə bilərəm.
Senna inanılmaz idi və təbii istedada malik idi, amma reallıq budur ki, Fernandodan daha çox səhv etdi.
Fernando böyük ehtimalla Lyuis Həmiltonla birlikdə ən yaxşı sürücüdür. Məncə, Fernando onun qədər titul qazanmalı idi, amma əksər hallarda maşını güclü deyildi. O sahib olduğundan daha çox çempionluğa layiqdir. Bu iki Dünya Çempionluğu əladır, amma onun istedadını əks etdirmir. Bundan daha artığına sahib olmalıdır”.
Şərh əlavə et