Kokpit.az bildirir ki, FİA-nın Beynəlxalq Avtoidman Şurası dördüncü gün bir araya gələrək reqlament dəyişikliklərini təsdiqləyib.
Növbəti ildən etibarən Formula 1-də ən sürətli dövrəni vuran əlavə 1 xal qazanmayacaqlar.
Qeyd edək ki, 2019-cu ildən etibarən Formula 1-də rəqabəti artırmaq üçün ən sürətli dövrə vuran sürücülərə əlavə 1 xal verilirdi. Ancaq ən sürətli dövrə xalı heç vaxt gözlənilən həyəcanı qatmadı və ümumilikdə arxadakı maşınla arasında böyük fərq olan sürücülər buna cəhd edirdilər.
Keçən ay keçirilən Sinqapur yarışında RB komandasının sürücüsü Daniel Rikkardo McLaren-ə əlavə 1 xal verməmək üçün sürətli dövrə vurmuş və bu qərar yenidən müzakirəyə səbəb olmuşdu. Buna görə də gələn ildən sürətli dövrəyə əlavə 1 xal verilməyəcək və sürücülər bazar günü maksimum 25 xal qazana biləcəklər.
Bundan başqa şurada gənc sürücülər üçün məşq müddətini iki dəfə artırma planlarına razılıq verilib. 2025-ci ildən etibarən komandalar hər boliddə iki dəfə gənc sürücünü trasa çıxarmalıdır.
Şərh əlavə et