Kokpit.az xatırladır ki, Şumaxer 2013-cü ilin dekabrında Fransa Alplarında ağır kəllə-beyin travması aldıqdan sonra əfsanəvi sürücünün ailəsi onun şəxsi həyatını kənar insanlardan, cəmiyyətdən diqqətlə qoruyub və yeddiqat dünya çempionunun səhhətinin əsl vəziyyəti barədə yalnız bir neçə nəfərin xəbəri olub. Ancaq qızının toyunda Mixael on ildən çox müddətdə ilk dəfə ictimaiyyət qarşısına çıxıb.
Mərasimdə məxfiliyin təmin edilməsi üçün müəyyən tədbirlər görülüb. Villanın girişində heç kimin Şumaxerin şəklini çəkməməsi üçün bütün qonaqlardan telefonlarını vermələri istənilib. Bununla belə, uzun illərdən sonra ilk dəfə Mixaelin təkcə yaxınları və həkimlər tərəfindən deyil, digər insanlar tərəfindən də görülməsi Korinna Şumaxerin ərinin məxfiliyini qorumağa yanaşmasını bir qədər yumşaltdığının göstəricisi ola bilər.
Ola bilsin ki, yaxın gələcəkdə Mixael Şumaxer başqa bir ailə şənliyində görünəcək. Danimarkalı model Laila Hasanovic sosial şəbəkədə uzun müddətdir sevgilisi, Formula 1 əfsanəsinin oğlu Mik Şumaxerin barmağındakı brilyant üzük fotosunu göstərərək ona evlilik təklifi etdiyinə eyham vurub.
Şərh əlavə et