Kokpit.az xatırladır ki, Mercedes Niderlandda son 5 yarışdakı ən pis yarışını keçirib. Corc Rassell yarışı 7-ci, Lyuis həmilton isə 8-ci yerdə bitirib. Bu isə o deməkdir ki, “gümüşü oxlar” Zandfortda ən sürətli dördüncü komanda idi.
Lakin Mercedes komandasının rəhbəri Toto Volff düşünür ki, onlr Montsada yenidən yaxşı nəticə qazanacaqlar: “Niderland Qran Prisinin nəticəsi bizi doğrudan da məyus etdi. Gölədiyimizdən daha zəif performans göstərdik.
Lyuis yaxşı yrışdı və xal qazana bildi, amma sıralanma turunda geridə qaldığı üçün çox yüksələ bilmədi. Corc təkər yeyilməsinə görə problemlər yaşadı. Buna görə də altılığa düşmək üçün tempi yox idi. Komanda hazırda bütün məlumatları təhlil edərək buna nəyun səbəb olduğunu anlamağa çalışır.
İki yarış arasındakı fərq az olsa da, Montsada özümüzə gəlmək üçün fürsətimiz var. Əminəm ki, bunu edə biləcəyik. İtaliya trası Zandforta nisbətdə çox fərqlidir. Bu il ordakı dəyişikliklərdən sonra böyük ehtimalla sürətlər artacaq. Bundan başqa yeni asfalt qatının necə effekt verəcəyini anlamalıyıq”.
Şərh əlavə et