Kokpit.az xatırladır ki, Alpine komandası bu il gözləntiləri qarşılamış və onlar hazırda turnir cədvəlində 8-ci yerdədirlər. Bundan başqa ilin sonunda Esteban Okon komandanı tərk edəcək və onun yerinə kimin gətirələcəyinə hələ qərar verilməyib.
Namizədlər isə çoxdur: Mik Şumaxer, Cek Duhən, Valtteri Bottas və Kevin Maqnussen hazırda namizədlərdən bir neçəsidir, amma komanda hazırda bu barədə düşünmür.
Flavio Briatore komandaya məsləhətçi gəldikdən sonra Alpine-i daha yaxşı vəziyyətə gətirmək üçün əlindən gələni edir. İtalyan mütəxəssis düşünür ki, hazırda sürücülər barədə düşünməkdənsə, komandanı inkişaf etdirmək daha məqsədə uyğundur.
Flavio Briatore: “Hazırda həm kommersiya cəhətdən, həm texniki cəhətdən, həm də idarəçilik cəhətdən komandanı daha yaxşı vəziyyətə gətirməliyik. Sürücü hazırda elə də vacib deyil. Əgər maşınınız yaxşıdırsa, o zaman yaxşı sürücüyə ehtiyacınız var. Maşın yaxşı performans göstərmirsə, o zaman sürücü də heç nə edə bilməz.
Hazırda əsas hədəfimiz bütün enerjimizi texniki tərəfə yönəltməkdir. Alpine maşınının daha yaxşı vəziyyətdə olduğuna əmin olmalı və gələn il üçün inkişaf etdirməliyik. Yenə də inanıram ki, Alpine-i 2026-cı ildə görəcəyik”.
Şərh əlavə et