Kokpit.az bildirir ki, bəzi iddialara görə Apple-in İphone 16 modelleri yeni bir düymə ilə gəlir: Çəkiliş düyməsi. Bu düymə hesabına cihaz üfüqi (horizontal) formada tutulanda şəkil çəkmək asanlaşacaq.
Bu düymədə çoxlu hərəkət dəstəyi olacaq və təzyiqə daha həssas formada düzəldiləcək. Bu düymə ilə DSLR kamerada olduğu kimi yumşaq toxunuşla avtomatik fokuslanma kimi funksiyalar İphone istifadəçilərinə təqdim olunacaq.
İphone 16-dakı yeni çəkiliş düyməsinin xüsusiyyətləri:
- Yumşaq toxunuşla video və ya şəkillərinizə fokuslanma vermək
- Sərt basdığınızda şəkil çəkmək
- Yaxınlaşdırma və ya uzaqlaşdırmaq üçün barmağınızı düymənin üzərində sağa-sola sürüşdürmək
Düymə İphone-un sağ tərəfində olacaq və buna görə də mmWave antenası cihazın sol tərəfinə keçiriləcək. Lakin xarici resurların verdiyi xəbərə görə bu düymə sadəcə Pro modellərində olacaq. Bu düymə hesabına Apple istifadəçiləri artıq daha çox üfüqi vəziyyətdə şəkillər və ya videolar çəkə bilərlər.
Şərh əlavə et