Kokpit.az bildirir ki, 2025-ci ildə peletonda ən az 3 debütantın olması gözlənilir.
Haas komandası artıq bu il Ferrari ilə Ciddədə xal qazanmış Oliver Bermanla müqavilə bağlayıb. Digər tərəfdən Alpine komandası Cek Duhən ilə, Mercedes isə Kimi Antonelli ilə müqavilə bağlamağa çox yaxındır. Bunlardan başqa Sauber-in Robert Şvartsman və ya Qabriel Borotleto ilə anlaşmaq ehtimalı var.
İtaliya mətbuatının verdiyi xəbərə görə Mercedes artıq Kimi Antonelli ilə çoxillik müqavilə bağlayıb və bu müqavilə İtaliya Qran Prisindən əvvəl elan ediləcək.
Toto Volff bu mövzu ilə bağlı keçmişdə belə demişdi: “Antonellinin Formula 2-də yarış qazanmasından başqa onun həm trasda, həm də komanda daxilindəki münasibətlərində səhvlərindən dərs çıxarmasını istəyirəm. Əsas onun testlərdə əldə etdiyi məlumatlar olacaq.
2025-ci il mövsümü küçid ilidir və bu, Antonelli üçün mükəmməl başlanğıc ola bilər. Bu riski artıq hesablamışıq”.
Toto Volff əlavə edib ki, Antonelli testlərdə göstərdiyi performansla komandanın mühəndislərinə təsir edib və Piter Bonninqton gənc sürücünün yarış mühəndisi olmağa çox yaxındır.
Bundan başqa xəbərdə yazılıb ki, Bonninqton əvvəl Lyuis Həmiltonla birlikdə Ferrari komandasına getmək istəsə də, sonraan Kimi Antonellinin performansından təsirlənib və Mercedes-də qalmağa qərar verib.
Qeyd edək ki, Kimi Antonelli bu il Formula 2 seriyasında debüt edib və 1 yarış qazanıb. Hazırda gənc italyan sürücü 84 xalla 7-ci yerdədir.
Şərh əlavə et