Kokpit.az xatırladır ki, Fernando Alonso keçən il Aston Martin komandasına qatılmışdı. 2023-cü ildə “yaşıllar” Red Bull-dan sonra ən sürətli ikinci komanda olduqları üçün Alonso ilk 8 yarışın 6-da podium qazanmışdı. Lakin komanda ondan sonra geriləməyə başladı və bu il arzuolunan səviyyədə çıxış etmir. Aston Martin hazırda turnir cədvəlində beşincidir və dördüncü yerdəki Mercedes-dən 193 xal geridə qalır.
Lakin sabiq Formula 1 pilotu Xayme Alquersuari düşünür ki, Aston Martin Ədrian Nyuini transfer etsə, hər şey dəyişə bilər: “Nyuinin Aston Martin-ə keçməsi ilə Fernando Alonso növbəti dəfə Dünya Çempioni titulunu qazana bilər. Məncə, Nyui barədə şayiələr Fernando üçün son 10 ilin ən gözəl hadisəsidir.
Nyui gördüyü işə görə açıq fərqlə birinci yerdədir. Yeni reqlamenti ondan yaxşı heç kim anlaya bilməz. Demək olar ki, bütün Formula 1 Nyuiyə qarşı yarışır”.
Şərh əlavə et