Kokpit.az bildiri ki, McLaren Formula 1 Komandası bu barədə məlumat yayıb.
Andrea Stella 2000-2014-cü illərdə Ferrari komandasında işləyib və bu illər ərzində Mixael Şumaxer və Kimi Rəykkönenin performans mühəndisi, daha sonra isə Kimi Rəykkönenlə Fernando Alonsonun yarış mühəndisi kimi işləyib.
2015-ci ildə isə McLaren komandasına keçib. Burada müxtəlif vəzifələrdə işlədikdən sonra 2022-ci ildə komanda rəhbəri təyin edilib. Məhz bundan sonra McLaren komandası sürətlənməyə başlayıb.
Bundan başqa McLaren komandası keçən il Lando Norris və Oskar Piastri ilə çoxillik müqavilə uzatmışdı. Andrea Stella ilə də çoxillik müqavilə bağlayan McLaren komandası çempionluq yolunda uzun illər stabil heyətlə davam etmək istəyir.
McLaren-in idarə heyətinin rəhbəri Zek Braun yeni müqavilə ilə bağlı bunları deyib: “Andreanın komanda rəhbəri kimi McLaren-ə göstərdiyi təsir çox böyükdür. Onun liderliyi ilə komanda çox inkişaf etdi və uzun müddətli uğurlar üçün özümüzü hazırlamağa başladıq. Andreanın təcrübəsi və gələcəyə baxışı ilə hədəflərimizə çatacağıq”.
Şərh əlavə et