Kokpit.az xatırladır ki, ispaniyalı sürücü yarışdığı 20 mövsüm ərzinsə heç vaxt Ədrian Nyui ilə eyni komandanı bölüşməyib.
Ədrian Nyui isə 10 çempion maşının dizaynını verib. Britaniyalı əfsanəvi mühəndis verdiyi müsahibədə bildirmişdi ki, Ferrari-də işləmədiyi və Alonso ilə Həmiltonla eyni komandanı bölüşmədiyi üçün emosional peşmanlıq yaşayır: “Fernando və Lyuislə işləmək möhtəşəm olardı. Amma bu heç reallaşmadı. Bəzən şərtlər belə gətirir.
Fernando Alonso isə aerodinamikanın atası barədə xoş sözlər deyib: “O, idmanın əfsanəsidir. Bir neçə dəfə bir yerdə işləməyə yaxın idik və bu barədə danışmışdıq.
Bir neçə il əvvəl Nyui İspaniyada kitab yayımlayanda ilk səhifədə ön sözü mən yazmışdım. Mənim üçün onunla eyni ortamda işləmək böyük şans idi. O, inanılmaz insandır.
Birlikdə işləməsək də, Ədrianın Formula1 bolidləri istehsal etdiyi bu dövrdə yaşadığım və yarışdığım üçün xoşbəxtəm. Kaş bir gün onunla işləsəydim.
Aston Martin Valkyrieni (Ədrian Nyuinin başlatdığı yarış maşını layihəsi) evdə sürəcəm və ona minəndə bir şey hiss edəcəm. Bu məni xoşbəxt edər”.
Şərh əlavə et