Bu gün “Gazzetta dello Sport” öz mənbələrindən əldə etdiyi məlumatlara əsaslanaraq çox maraqlı detallar təqdim edib.
Nüfuzlu İtaliya nəşrindəki mətnin müəllifləri məlumatın 100% dəqiq olmasında israr etmirlər, lakin onlar yazır ki, çoxillik müqavilə artıq Şarl Leklerlə praktiki olaraq razılaşdırılıb və onun müddəti yalnız 2029-cu ildə başa çatacaq. İddialara görə, artıq bütün fundamental razılaşmalar əldə olunub və bəzi hüquqi nüansları aydınlaşdırmaq qalır.
Əgər bu xəbər doğrudursa, Şarlın Maranello komandası ilə əməkdaşlığı 13 il davam edəcək – monakolunun Ferrari ilə münasibəti 2016-cı ildə sürücü akademiyasına daxil olarkən başlayıb.
Karlos Saynsa gəldikdə, vəziyyət başqadır. Nəşrin sözlərinə görə, onunla da danışıqlar aparılır, lakin ispaniyalının təklif olunan şərtlərlə razılaşıb-razılaşmaması hələ də şübhə altındadır. Şayiələrə görə, Karlos ən azı iki illik müqavilə imzalamaq istəyir, Ferrari isə ona yalnız bir illik müqavilə təklif edir, yəni, yalnız 2025-ci ilə qədər.
Bu yanaşmanın mümkün səbəblərindən biri odur ki, Maranello gələcəkdə daha bir istedadlı sürücü dəvət etmək fürsətini əldən vermək istəmir. Ehtimal olunan namizədlər arasında McLaren ilə müqaviləsi 2025-ci ildə başa çatacaq Lando Norris də var.
Qəzetdə ispan sürücü barədə həm də bunlar yazılıb: “Lakin McLaren gələcəkdə Saynsın keçəcəyi komanda ola bilər, baxmayaraq ki, Serxio Peres getsə, Red Bull-da vakansiya onun üçün də açıla bilər. Ferrari Leklerə böyük müqavilə təklif edir. Bəs Sayns nə etməlidir?”
Şərh əlavə et