Gələn il Aston Martin komandasının adı dəyişəcək və Aramco komandanın yeganə titul sponsoru olacaq.
F-1.az bildirir ki, Cognizant artıq titul sponsoru olmayacaq və Aramco “yaşıllar”la olan tərəfdaşlığı daha da genişləndirəcək.
Cognizant şirkəti isə Aston Martin-lə yollarını ayırmayacaq və fərqli rolda tərəfdaşlıq edəcək. Hətta tərəflər arasında yeni çoxillik müqavilə imzalanıb, amma artıq titul sponsorluğuna ehtiyac duyulmur. Cognizant-ın bu roldan çəkilməsi idmana daha geniş formada daxil olmaq istəyən Aramco-ya yeni fürsət yaradıb.
Səudiya Ərəbistanının neft şirkəti Aston Martin-in Formula1 komandasından başqa Aston Martin Lagonda Group Limited markası ilə olan tərəfdaşlığı da böyüdəcək. Hələlik müqavilənin maliyyə tərəfi ilə bağlı məlumat yoxdur.
Şərh əlavə et